قصيدة توهيني 2019 ، Very Elegant Poem 2019

ودامك يا نديمة خاطري ..
.. مرتاحة

لا تهمك نايبات القلب ..
لاتاهـ عني وضاع مفتاحه ..

توهيني ..
في عيونك ..
ماهوب ذنبك .. سبحان ربك ..
اللي خلق لك عين ذبّاحة ..

توهيني ..
ودامك .. حيل مرتاحة ..
لايهمك صيف .. شوقي ولا شتاه

مشتاق ؟
عادي .. زل في غيه وتاه ..

داله !
محتار في صيغة سؤاله
يبدأ السؤال بكيف ؟ ولا متى ؟
يحزن بفصل الصيف ولا الشتا ؟

وان كان السؤال يبدا بمتى ..

وين الجواب اللي يعالج له متاه ..

واللي يداوي به جراحه ..

توهيني .. ولايهمك

ماهوب ذنبك .. سبحان ربك ..
اللي خلق لك عين ذبّاحة ..

مسجون ..
اكتب حروفي ..
وحروفي تهجّاني ..

مجنون ..
واكبر امانيي ..
اتووووهـ بعيون سجّاني ..

والجاني ..
في ساحة اعدامي
عين تناظر عليه
وعين ..
تناظر الساحة ..

وسبحان اللي خلق له..
عين ذبّاحة ..

اسألك بخالق المصحف
المنزل وآيه ..
لا تسأليني ليش انا تايه ..

ولا تسأليني عن القسوة
إسالي يوسف ..
عن كيدكن
وإسالي النسوه ..

وش توّه السكين ؟

وش توّه السكين ..

عن تقطيع تفاحه ؟

توهيني ..

أدري ماهوب ذنبك..

سبحان ربك ..
اللي خلق لك
عين ..

ذبّاحة ..