قصيدة ثامر شبيب
لحظه قبل لا تطلب البعد وتغيب وتنهي معايه مرحله من حياتك
أخذ الهدايا والصور والمكاتيب دامي خسرتك ما أبي ذكرياتك
يمكن يكون فراقنا رأيٍ مصيب خيره .. كتبها الله جتني وجاتك
مع أني أدري أنت .. ماعنك تجنيب .. كنك موصيني وقاضب وصاتك
رح واترك بقلبي لك أربع معازيب معزتك طاريك حبك غلاتك
وإن شفتني أجمع شتاتي .. ماهو عيب باكر مع الأيام تجمع شتاتك
وإن شفتني شايل جروحٍ معاطيب باكر يصير الجرح أبرز صفاتك
الطيب لو إنك تجازيه بالطيب ماكان تالي الوقت هذي سواتك
أكبر مصيبه في زمان العذاريب إنّي أحبك وأنت حبك لذاتك
يا صاحبي لا صرت أغلا الأصاحيب لا تزعل بكيفك وتطلب رضاتك
أنا حبيبك مبعد الشوح مانيب من ضيّع جهاته .. يدور جهاتك
شفني مقدر عند عكف الأشانيب مانيب من تومي عليه بعصاتك
رح للفراق إللي تركنا مصاويب شمّت اعداتي قبل تشمّت أعداتك
الله معك .. رح وين ماودك تغيب هذي حياتك .. وأنت حر بحياتك
التعليقات