معجنات طرية 2019 , Way to prepare pastries, fresh 2019
معجنات طرية 2019 , Way to prepare pastries, fresh 2019
معجنات طرية 2019 , Way to prepare pastries, fresh 2019
( الملعقة التي نتحدث عنها هي التي نأكل بها وليست التي نغرف بها الطعام )
2 كيلو طحين
ملعقة كبيرة ونصف بيكنغ باودر
ملعقة كبيرة خميرة
ملعقه كبيرة ونصف سكر
ملعقة صغيرة ملح
12 ملعقة كبيرة حليب ناشف
علبة ونصف لبن شرب ، تقريبا أقل من نصف لتر بقليل
فنجان شاي زيت قلي
بيضة
ماء حسب الحاجة .
نضع في وعاء : البيضة واللبن والزيت وماء بمقدار كاستين ونخلطها جيدا
وفي وعاء العجن نضع باقي المكونات الناشفه ونخلطها
ونبدأ نضيف تدريجيا السائل عليها
لا نضع كمية السائل مرة واحدة لان هيك حتطلع خبيصة ^^!
شوي شوي حتى تصبح العجينة بين أيدينا لينة جدا ان كانت ناشفة
او فاكة عن اليد وليست لاصقة ، لأنه حتطلع ناشفة بعدين
بتحطي مي لحتى توصلي لعجينة طرية رخوة تلتصق باليد
ولكن مو لدرجة المياعة ، يعني قدريها تقدير
بتفكي العجين اللي باليد بزيت الذرة
وبتدهني الجاط اللي عجنتي فيه بهالزيت
غطيها واتركيها تخمر مزبوط يعني شي ساعة زمن ،
وبعد ساعه ارجعي اعجنيها وتركيها ترتاح نصف ساعه كمان .
ان اتبعتي هالخطوات تمام .. حتطلع معك عجينه بتعقد ^_* ،
ونصيحة : بس بدك تستخدميها ئ قطعيها دوائر بالحجم المطلوب وخليها ترتاح
العجينة كل ما اخدت وقت وارتاحت بتساعدك وبتكون افضل .
~~~~
هلأ خلال ما عم تخمر بتحضري الحشوة اللي بدك تستخدميها ، انا عملت سبانخ ، ولحمة ، وجبنة بيضا وصفرا ، وبيتزا ؤرديحي ^^
لانه البيتزا بدها عجينة خاصة بس انه هالعجينة بجد بتزبط لجميع الانواع .
كيفية تحضير السبانخ :
بتجيبي ضمم السبانخ حسب حاجتك ، بتلقطيه وبتغسليه مزبوط مزبوط ، وبتخليه ينشف
بعدين بتحطي بجاط : بصل اخضر كمية وافرة
بصلة عادية وسط
فلفل حار + ملعقة شطة حارة
ليمون ( كتري بيطلع ازكى )
زيت زيتون
سماق وملح وبهار
افركيهم بئيدك مزبوط مزبوط
وابدأي ضيفي السبانخ عليهم تدريجي وافركي مزبوط عجني تعجين
بس كلو ينخلط سوى ، فيكي تكتفي بهيك وما تحطيها ع النار
وفيكي برضو تقلبيها ع الغاز شوي .
هيك السبانخ بيكون جاهز .
طريقة تحضير اللحمة :
بتقلبي على النار بصلة
وبتضيفي عليها كم سن توم مبروشات
وفلفل حار وبارد
بتقلبيهم وبتملحيهم وبتبهريهم وبتحطي اللحمة عليهم تستوي شي تلت ساعة
بعدين بتضيفي الكاتشب والبندورة ونصف كاسة لبن زبادي
بتقلبي شي عشر دقائق بالكتير وبتكون هيك اللحمة جهزت .
الجبنة البيضا والصفرا :
الجبنة البيضا بحط عليها زعتر ونعنع وزبدة
وفيكي تختاري اي منهم او بلاهم حتى عادي حسب الرغبة
الجبنة الصفرا بحط قشقوان مع شدر .
ومتل الصور التالية بتبدي تحشيهم بالشكل اللي بدك ياه .
البيتزا :
فيكي تعمليها أقراص صغيرة او صواني حسب اللي بتحبوه بالبيت طبعا.
واي مكونات بدك تحطيها .
ببدا انا بفرد كاتشب ورب بندورة مملحات ومبهرات
بصل .. فلفل .. بندوره دوائر .. فطر وزيتون .. لحم .. جبنة
وبالفرن على درجة عالية بتكوني عما بتخبزيهم .
التعليقات