مقال عن المحتاجين – موضوع عن الفقراء والمحتاجين – تعالوا نتجمع ونساعد كل اللي محتاجين

هل فكر احد مننا انه وهو طالع من البيت عنده جاكيت عنده تيشيرت مايحتاجه يقول اعطيه للعامل احسن من اني ارميه ؟

احبتي والله الموقف محزن والله ثم والله يقطع القلب لاتنسى هالعامل سبب بعد الله في كونك عايش بنظافة

صدقوني هالعامل لو يغيب الكل راح يلاحظ غيابه وراح يتاثر بغيابه لكن للاسف لو غاب اهم مدير في اهم قطاع او شركة ماحد راح يحس عليه لان الف مدير ينوب عنه

لكن هالعامل صدقوني قليل ويمكن مافيه من ينوب عنه

2 – اسرة محتاجة :

الجميع يعلم ان الناس طبقات منهم المرتاح ماديا ومنهم المحتاج ومنهم المتوسط هل فكر احد بمعنى كلمة محتاج ؟

صدقوني مايعلم ولايفهم ولايعرف معنى هالكلمة الا من ذاق وجرب هالشي

والله اني اشوف ناس ماحصلت لقمة الاكل ؟

مايدورون ملابس ولا يبحثون عن موضه ولا لهم باي شي من هالاشياء الي غالبية الناس صارت تفكر فيها ، كل همه لقمة العيش باختصار حاجة البطن او حاجته الشخصية المهمة والضرورية

للاسف بعض الاسر او بعض البيوت من كثرة الاكل يمكن ينكب او يرمى في الزبالة طيب ياخوان فكرتم بوضع المحتاج اللي ماحصل لقمة الاكل ؟

راح اذكر لكم قصة بسيطة عن هالموضوع :

في مرة من المرات يحكى ان شخص كان في يوم العيد وكان عيد الاضحى والجميع مبسوط واكيد مضحي بخروف والغدا راح يكون خروف او راح يكون عزيمة في مكان او اجتماع عائلي باختلاف عاداة كل عائلة ومجموعه

المهم ، ان الشخص هذا زعلان يقول بروح للبيت واحصل زوجتي طابخه مدري وش او ايش راح اكل يارب ليه كذا الناس تتغذى شي يفتح النفس وانا بتغذى كذا ليه يارب حظي كذا وليه وليه

المهم ذهب للبيت وتغذى وكان جنبه شباك والشي اللي يخلص منه يرمية من الشباك ، خلص غداة وقام غسل ولبس طالع للعمل ،،

وهو نازل من البيت حصل واحد فقير محتاج انحرم من لقمة العيش واقف تحت الشباك ياكل اللي كان يرميه الرجال

ساعتها الرجال وقف وتحمد الله على النعمه وقال يارب اشكرك على النعمة اللهم اديم علي نعمتك اللتي انعمت بها علي

قال تعالى : وان شكرتم لازيدنكم ،

الهدف من القصة : ان الواحد مايرضى ولايقتنع باللي هو عايش عليه او اللي موجود عنده ويعتقد انه اتعس الناس وبالعكس صدقني لاتناظر الشخص اللي فوقك ناظر الشخص اللي تحتك

اشكر ربك على هالنعمة اشكر ربك انك حي ترزق هذا بحد ذاته اهم اهم نعمة تشكر عليها كيف تتحرك ، كيف تقوم ، كيف تاكل ، كيف تشرب ، كيف تمشي ، كيف تتكلم ، كيف تشوف

حبايبي الكثير والكثير عندنا بالسعودية مشاء الله مرتاح ماديا ووضعه المادي بالمرتاح طيب ياحبتي ليه مانفكر باخونا المحتاجين

والله الواحد لما يكون معه الف ريال بس ويتصدق بـ 100 ريال وين المشكلة ؟ معاك 10 اضعاف المبلغ

فوق هذا نسيتوا ان الصدقه تنمي المال وتزيد المال ؟

تخيلوا معي هالشي بس : الواحد طلع من البيت مشى حصل اسرة محتاجة يعرفها عن طريق شخص او فلان او فلانه واعطاهم 200 ولا 500 ريال ؟

جت الام او الاب او اي احد من هالعائلة وقال اللهم كما رزقنا عبدك ارزقه ؟ او قال : الله يحفظك ولايضرك الله يعطيك العافيه ….. الخ

ليه مانفكر بهالشي اننا نفكر باخوانا المحتاجين صدقوني الشعور بالمسؤليه تجاه الغير ينمي عند الشخص ايمانه او اقل حاجه انسانيته ،،

انتهى كلامي واتمنى اني ماطولت بالكلام لاني اتبعت المثل : خير الكلام ماقل ودل

الهدف من الموضوع :

اخواني وخواتي َ اللي معه مبلغ زيادة او اللي ربي انعم عليه بالراحة المادية لاينسى المحتاجين ولاينسى ان هناك من يبحث عن الصدقة

اطلع دور شوف المحتاج وابحث عنه ووصل له اللي تقدر عليه فكر باخوانك اللي ماحصلوا لقمة العيش فكر بالعامل او خلافة اللي ماحصل اللي يدفيه من البرد ؟

فكر انك جالس بالبيت بنعمة وخير مستور غيرك والله ماحصل البيت ولاحصل مكان ينام فيه اطلع للشارع شوف اللي نقول عنهم للاسف ملحوس شوف هالشخص

حاول تشوف اي جهه تتبناه حاول اقل حاجه تمد له يد العون صدقوني متى ماجتمعنا واجتمعت الامة العربية والاسلامية انتصرت وتحققت كل اهدافها ومرادها

اختم كلامي هذا واصلي على نبينا محمد عليه الصلاة والسلام اتمنى ان اكون وفقت بنشر او توصيل حالة المحتاجين بكافة انواعهم فآن اصبت فمن آلله عزوجل ٌ وان اخطآت فمن نفسي وآلشيطآن